Fünf unedirte Ehrenreden Peter Suchenwirts.
123
15 vnd ordenleichen halden,
solt er darumb geliten han.
es must nach seinen eren gan
nach wirden vnd nach staten
ich wil trewen raten
20 sein lob man ticht, les vnd schreib,
wer gesacht mit chrankchem leib,
lant vnd lewt an falschen pein
mit ern so gewaltig sein
als er mit chranches leibes chraft
25 getrew, stät vnd warhaft,
die hielten im der eren stul
daz er in fawler schänden phul
hat nie geneczt chainen füz,
wo man durch roter munde gruz
30 den schimpf erdacht durch hohen mut.
ze hant der edel fürste gut
pot maniger rainen frawen zart,
daz man ze hof sich liepleich schart
durch frewenreiches mieten
35 er pot vnd hiez gepieten
uil manigen minnichleichen weib
durch frewd durch lust durch laid uertraib
durch ritterleiches werben,
nu im mocht nit uerderben
40 pei stiller per fröleich sit,
dem fürsten folget mit
trew vnd zucht mas vnd schäm
warhait vnd stät gehorsam
erparmt fber die armen diet,
45 er was als im die Weisheit riet
gottleiches dinstes fleizzig.
sein hercz ward nie sleizzig
an gottes d'inst no jugent,
daz er mit rainer tugent
50 göttleicher lieb mit uorchten phlag
piz her an seinen lezten tag.
daz in der tot mit grimer that
des lebens gar beraubet hat.