Fünf unedirte Ehrenreden Peter Suchenwirts. 
121 
85 daz er straucht über einen stain. 
do zemüscht er ein pain 
uuderhalb der g'urtel sein, 
fraw mynne durch den willen dein 
uerleit er guter sache uil. 
90 die dritten rais ich nicht enwil 
uersweigen uon dem degen gut. 
in einem ofen stund sein mut, 
in was nach den dürren pirn gach, 
ein grozzer schad im do geschach, 
95 daz er die uinger sein uerprant 
an einer pirn secht, die hant 
hing er in ein pinden. 
ich fand under einer linden 
den stolczen degen mutes clirank, 
100 er mich ersach, im was zu lank 
die weil und uiel in anmacht, 
ein chrug mit äphltrank man bracht 
und labt den degen hochgeporn, 
daz er hiet tawsent aid gesworn, 
105 im wer geschechen nye mer wee. 
ach schoenes graz und grüner chlee, 
wem sol ich chlagen seine layt. 
ein uart er hin gen Preuzzen rait 
und cham uor uesperzeit herwider. 
110 er chlagt den ruk und di glieder, 
di waren im czustoszen. 
die chlainen und die grozzen 
trunkch di waren manigualt, 
dauon der degen wart so palt 
115 und sagt uon abentewre, 
wie im pei einem fewre 
wer uerprant der mantel sein, 
das was noch an der lucken schein, 
die must man im uerpuezzen. 
120 die roten mündel muezzen 
mich pitten umb den namen sein 
und daz ich chünd der Wappen schein: 
uon leberwursten ist der rant