Z i n g- e r 1 e 
262 
„Mein vater spricliet, daz ir mir 
40 den napf wider gebet, den ir 
In seinem hause genommen hat.“ 
„sich“ sprach der engel „wa dort gat 
Der prüder, der in pei im treit. 
gench nun in, er ist dir bereit.“ 
45 In des fugte er sich pei in. 
der wech, da si giengen hin 
Alle drei, der was smal. 
er stiez den iungen hin ze tal 
Von einer steinrauschen ho. 
50 des was der ander vil unfro. 
Betrübt er in dem herzen sprach: 
„awe, daz grozze ungemach, 
Daz dirre alte hat getan 
dem reinen guten man, 
55 Der unser also wol pflach. 
sein Ion hat ubeln bejach. 
Disem genügte leider niht, 
daz er mit diepleicher geschiht 
Dem wirte seinen napf stal, 
60 er enhabe auch nu hin ze tal 
Geworfen seinen sun tot. 
awe herre got der not! 
Wir han niht wol geworben, 
daz der mensch ist erstorben 
(b) 65 Und seinen tot von uns nam. 
we daz ich ie auz eham! “ 
Si giengen aber furbaz 
für ein haus, darinne saz 
Ein alter man greise, 
70 in tilgende unweise, 
Wan er ir was ane. 
zwen undertane 
Het er, die mit im waren da. 
die geste pozten iesa 
75 Und paten, lazzen sich dar in. 
„warta, wer die geste sin,“