184 
Z i n g e r I e 
gewaschen werde und angeleit 
5 Vater, von dir einen 
und anders iner deheinen. 
Ich han mich auch überwunden 
in den ersten stunden, 
Do ich mich wolde her begehen. 
10 ich sprach: „geliebet mir ditz leben. 
Ich han noch erbes harte vil, 
daz ich alher schaffen wil. 
Nu wil ich werden hie begraben, 
mein wort solt du staete haben, 
15 Wan ditz ein ersam chloster ist. 
pit für mich unsern herren Christ 
Und tu mit mir, als du nu weist.“ 
damit gab si auf den geist. 
Do si daz vollensprach, 
20 und Pafuncius sach, 
Wie si gelacli darunder, 
daz ubergrozze wunder 
Und auch die herte leide, 
(die)worhten an in peide, 
25 Daz er unmaehtich nider viel, 
sein herz in sollier swaere wiel, 
Als einem, der sterben wil. 
Agapitus chom in dem zil, 
Der des siechen solde pflegen. 
30 do der gesach, wie si gelegen 
Heide waren, der eine tot, 
und der ander in grozzer not, 
Wazzer er vil palde nam, 
(b) ze Pafuncio er cham, 
35 Under äugen er in goz. 
sein unmacht was gewesen groz. 
Er rillte in, daz er gesaz 
und versan ein wenicli paz. 
Agapitus do zu im sprach: 
40 „Pafuncius, welch ungemach 
Hat so sere erschrecket dich?“