Mittheilungen  aus  altdeutschen  Handschriften.  IV.

959

wan  in  den  kalden  landen  bedarf  man  mer,  in  den  barmen
min.  Dis  betrachtunge  sol  an  dem  abte  sein.  Jedoch  geloben
wir  daz  in  den  mezigen  steten  ain  ieslicb  munch  sol  genüch
haben  an  ainer  ckugel  und  an  ainem  röche,  daz  diu  chugel
in  1  dem  winter  roch  si,  in  dem  sumer  sieht  oder  alt,  und  ain
sapler  durch  daz  werch.  Daz  baingwant  sol  sein  soche  und
hosen.  Von  des  gwandes  varbe  oder  gröze  suln  di  munch
niht  chlagen,  wan  si  suln  ez  haben  als  man  ez  vindet  in  dem
lande  da  si  da  wonent,  oder  als  manz  aller  leihtist  gechöphen
mach.  Der  abt  sol  ce  der  mäze  sehen  daz  daz  gewant  gemezen
  si  den  di  ez  nucent  und  niht  ce  churz.  So  si  daz  newe
nement,  so  geben  sä  daz  alte  in  di  wätchamer  durch  di  armen.
Ez  sol  dem  munche  genügen  daz  er  zwo  chuglen  hab  unt
cewene  röche  durch  di  naht  und  och  zebaschen  diu  selben
dinch;  swas  dar  über  ist  daz  sol  man  fürder  tun,  wan  ez  uberfluzich
  ist.  Unt  di  soche  unt  swaz  altes  ist  daz  sulen  si  öf
geben,  (35 a )  so  si  daz  newe  nement.  Di  man  öz  sendet  di
sulen  niderwät 2  nemen  von  der  chamer  unt  geben  si  gwaschen
dar  wider,  so  si  haim  choment.  unt  di  chuglen  unt  di  röche
sulen  etwaz  bezzer  sein  den  si  gebonlich  sint  cehaben.  So  si
öz  varent,  so  nemens 3  von  der  chamer  unt  geben  si  an  der
widervert  dar  wider.  Daz  betgwant  sol  sein  ain  teke  und  ain
strät  und  ain  cliozze  und  ain  chusse.  Diu  selben  bette  sol  der
abt  ofte  ersuchen  durch  di  aigenschaft,  daz  diu  iht  funden
werde.  Unt  ce  swem  iht  funden  wirt  daz  der  abt  niht  geben
hat,  der  sol  di  swörist  zuht  leiden.  Unt  daz  daz  laster  der
aigenschefte  burcechlihen  werde  fürder  getan,  so  sol  der  abt
alle  noturft  geben:  daz  ist  diu  chugel,  der  roch,  hosen  unt
soche,  gurtel  und  mezzer,  grifel  und  nädel,  dwehel  unt  tavel,
daz  benomen  werde  elleu  ursag  der  noturft.  Der  abt  sol  immer
gedenchen  der  urtail  der  aposteln,  daz  man  aim  ieslichem  gab
dar  nach  und  im  dürft  was.  Dar  umb  sol  1  er  merchen  di
chranchait  der  dürftigen,  niht  den  bösen  willen  der  neidigen,
unt  gedench  iedoch  an  allen  sinen  urtailen  an  daz  gotes  widerlön.
1  in  zweimal  2  nider  zweimal  3  nems  4  so

SitzungsW.  d.  phil.-liist.  CI.  XCVIII.  Bd.  III.  Hft.

ei