Mittheilnngen aus altdeutschen Handschriften. IV.
939
si da sprechent ,Vergib uns unsere schuld als wir tun unseren
scholeren' und furben sich von solchem laster. Zu den anderen
tagciten so sol man daz jungist tail des selben gebettes löte
sprechen, daz si alle antwurten ,Sed libera nos a malo‘.
XIV. Wie man an der hailigen höhcit di meten bege.
An der hailigen höhcit unt ze allen höhciten sol man di
meten begen als an dem suntage, an daz man di salm unt
daz ambet sprechen sol daz zu dem tage gehört. Aver di
oben gesriben mäze sol man behalten.
XV. Ce weihen eiten man Alleluia sprechen sol.
Von den hiligen österen unz an di phingsten sol man an
unterläz Alleluia sprechen, als wol zen salm als zen responsen.
Aver von phingsten unz an di vasnaht alle naht so sol man
di (19 1 *) anderen sexh salm zer meten mit dem Alleluia sprechen,
und alle suntage özerhalb der vasten sol man diu cantica und
lausmeten, prime, terce, sext, nöne mit dem Alleluia sprechen,
aver die vesper mit der antiphen. diu respons suln nimmer
werden gesprochen mit der Alleluia, wan von österen unz an
di phingsten.
XVI. Wie man gotes dienst tages bege.
Als der wissage spricht ,Siben stund an dem tage sprach
ich dein lob'. Diu hiligeu sibenvaltigiu zal wirt also von uns
erfüllet, ob wir zü der lausmeten, ze preime, ze tercie, ze sexte,
ze nöne, ze vesper, ze complete daz ambet unseres dienstes
erfüllen, wan von disen ziten spricht der wissage ,Siben stund
an dem tage sprach ich din lob'. Und öch von der meten
sprach der selbe weissag ,Ze mitter naht stund ich öf ze
dinem lobe'. Dar umb sul wir ze disen eiten unseren schepher
loben, wan ez pilleich unt reht ist, daz ist ze lausmetten, ze
prim, ze tercie, ce sext, ze nöne, ze vesper, ze gumplet, unt
sten des nahtes öf zü seinem lobe.
