Mittheilungen  aus  altdeutschen  Handschriften.  IV.

935

und  enchund  niht.  ich  pin  als  ain  vich  worden  p!  dir  und  sol
beleihen  immer  mit  dir'.
Der  sibende  gräd  der  dimüt  ist  daz  sich  der  munch  den
nidristen  unt  den  bosisten  niht  al  ain  mit  der  zung  sag,  er
sol  ez  öch  hercechlichen  in  sinem  geloben  haben  unt  dimütige
sich  mit  dem  wissagen  unt  sprech  ,Ich  pin  ain  wurm  und  niht
ain  mensch,  ain  itwiz  der  leute  und  ain  verworfnusse  des  volches.
ich  pin  gehohet  unt  gedimutiget  unt  geschendet'.  Und  aver
,Mir  ist  gut  daz  du  mich  gedimutiget  hast,  daz  ich  lerne  dineu
gebot'.
Der  ahtod  gräd  der  dimüt  ist  daz  der  munch  niht  anders
tu,  wan  daz  diu  gemain  regel  des  chlosters  hat  oder  der  meroren
bilde  schuntet  und  ratet.
(16 a )  Der  neunte  1  gräd  der  dimüt  ist  daz  der  munch  an
der  rede  sine  zunge  bewar  unt  behalte  sin  swigen  unz  man
in  frage,  wan  diu  srift  daz  zaiget  daz  man  in  vil  rede  di  sunde
niht  enphleuht,  unt  der  vil  redende  niht  beriht  werden  chan.
Der  zehende  gräd  der  dimüt  ist  daz  der  munch  niht  schier
noch  leihtichlichen  lache,  wan  gesriben  ist  ,Der  tumbe  man
erhöhet  seine 2  stimme  so  er  lachet'.
Der  ainleft  gräd  der  dimüt  ist,  so  der  munch  ret,  daz
er  daz  samfte  tu  und  än  lehter,  dimütliche  unt  mit  zuhten,
und  wenicli  red  und  redlihen,  unt  si  niht  rüfich  mit  der  stimme,
als  ez  gesidben  ist  ,Der  wise  man  mit  churcen  Worten  wirt
erchant'.
Der  zwelfte  gräd  der  dimüt  ist  daz  der  munch  als  wol
mit  dem  leibe  als  mit  dem  hercen  di  dimüt  zaige  allen  den  di
in  selient.  Daz  ist  an  dem  werche,  in  dem  bethüse,  in  dem
chlöster,  in  dem  garten,  an  dem  wege,  an  dem  acher,  oder  swä
er  siccet  oder  get  oder  stet,  daz  er  mit  genaigtem  höbte  sei  unt
sineu  ögen  zü  der  erden  hab.  Er  sol  sich  seiner  sunte  zallen
eiten  schuldich  geben.  Er  sol  öch  (16 11 )  haben  den  wän  daz
er  vor  dem  aissamen  gotes  gerihte  ie  ebens  sule  stän,  unt
spreche  zallen  eiten  daz  der  ofne  sunder  an  dem  ewangelio
sprach  der  sin  gesihen  nider  zü  der  erden  brach  ,Herre,  ich
sunder  pin  des  niht  wirdich  daz  ich  mineu  ögen  öf  zehimel  heb',
unt  sprech  aver  mit  dem  wissagen  ,Ich  pin  alle  weis  gediemü-1

  nevte  2  zuerst  sine  geschrieben,  dann  durchstrichen