984

Schönbach.

Der  viertle  gräd  der  dirniit  ist  daz  der  munch  an  der
gehorsam  herteu  und  widerwertigeu  dinch,  oder  ob  im  dechain
unwirde  erbotten  werde,  wizzechlichen  liep  hab  und  sei  gedultik
  und  verzag  niht,  noch  entweiche.  Wan  diu  srift  sprichet
,Swer  volhertet  unz  an  daz  ende  der  wirt  behalten'.  Und  aver
,Ez  sol  dein  herce  veste  1  sein  an  unserem  herren  und  beite
sein'.  Sich  zaiget  öch  daz  der  gelöbige  mensch  elleu  dinch
durch  got  leiden  sol,  und  spricht 2  von  den  di  iht  lident  ,Durch
dich,  herre,  tötet  man  uns  durch  den  tach  und  sin  geahtet  als
diu  slahtigeu  schäph'.  wand  si  aver  sint  sicher  des  gütlichen
lönes,  sö  sprechent  si  dar  nach  vrolichen  ,Aver  an  allen  disen
dingen  gesigen  wir  durch  den  der  uns  geminnet  hat'.  Und
aver  spricht  diu  srift  anderswä  ,Du  hast  uns,  herre,  gepruevet
(15 a ),  als  man  daz  silber  in  dem  veur  beberet.  Du  hast  uns
gelaitet  in  den  strich  und  hast  not  gesezet  öf  unseren  rukken'.
Hie  zaigt  er  öch  daz  wir  under  dem  prior  suln  sein  unt  spricht
dar  nach  ,Du  hast  über  unser  höbet  leute  gesezet'.  Di  öch
gotes  gebot  erfullent  in  widerwertigen  dingeD,  so  man  siu  sieht
an  ain  wange,  so  bietent  si  daz  ander  dar.  Der  in  den  roch
nimpt,  dem  läzent  si  den  mantel.  Der  siu  dwinget 3  aine  meil
zegen,  mit  dem  gent  si  zwo  und  leident  mit  sand  Paul  ehte 4
und  vertragent  valsche  bruder  und  segnent  di  di  in  da  flüchent.
Der  fünfte  grad  der  dimut  ist  daz  der  munch  alle  di
ubeln  gedanche  di  zu  sinem  hercen  choment  sinem  abte  sage
mit  dimutiger  beihte.  Des  schuntet  uns  diu  srift  und  sprichet
,Du  solt  got  dine  wege  ofnen  und  hinz  im  haben  dine  hofnunge'. 5
und  spricht 3  aver  ,Begehet  got,  wan  er  gut  ist  unt  sin  warmunge
diu  ist  ewich.'  unt  der  selbe  weisage  ,Mine  missetat  hän  ich
dir,  herre,  chunt  getan  und  mein  unreht  hän  ich  niht  verborgen,
ich  sprach:  ich  sol  mine  sunde  (15 b )  wider  mich  selben  got
begehen  unt  du  hast  di  erge  mines  hercen  vergeben'.
Der  sexte  gräd  der  dimut  ist  daz  der  munch  sich  erbiete
daz  er  der  lecciste  sei,  unt  zu  allen  den  dingen  diu  man  im
enphilhet  sol  er  sich  ahten  als  ain  bösen  und  ain  unnuccen  werchman,
  und  spreche  mit  dem  wissagen  ,Ich  bin  ze  nihteu  worden

1  gestercht  c  2  sprich  3  genotget  c
4  So  ursprünglich,  etwas  später  noch  re  hinzugefügt
5  ofnvnge  6  sprich