Mittheilungen  aus  altdeutschen  Handschriften.  IV.

963

gebeut.  Ist  des  niht,  so  sol  er  nihtes  niht  erbalden,  wan  daz
er  der  regellichen  zuhte  sol  undertänich  sein  unt  sol  mer  der
diemüte  pilde  den  anderen  allen  geben.  Swas  man  in  dem
chloster  umb  dechaine  sacbe  ce  ordenen  bat,  so  gehab  (38 a )
sich  ce  der  stat  als  er  in  daz  chloster  chom,  niht  diu  im  durch
di  wirde  sines  ambtes  verläzen  ist.  Swelch  phafe  mit  semlichem
willen  sich  ce  dem  chloster  gesellen  wil,  den  sol  man  an  aine
mezige  stat  seczen,  iedoch  ob  er  gelobt  daz  er  di  regel  behalte
unt  stete  sein  welle.

LXI.  Von  den  eilenden  munchen,  wie  man  di  enphähe.
Swelch  eilender  munch  von  verren  landen  chumt,  wil  er
gasteweis  in  dem  chloster  sein,  unt  genüget  in  der  gwonhait
di  er  da  vindet,  unt  betrübet  er  niht  daz  chloster  mit  siner
uberfluzchait,  wan  daz  in  ainvaltiklihen  genüget  daz  er  da
vindet,  so  enphäh  man  in  swi  lang  er  des  gert.  Ist  daz  er
dechain  dinch  redlihen  sträphet  mit  der  diemüt  der  minne,  sö
sol  der  abt  weislichen  daz  bedenchen  daz  in  leiht  got  dar  umb
dar  gesant  hat.  Wil  er  dar  nach  seine  stete  vestnen,  so  sol
man  ain  sö  getan  willen  niht  verberfen,  aller  maist  wan  man  1
di  weil  er  gast  was  sin  leben  erchennen  mohte.  Wirt  er  aver
uberfluzich  und  lasterwerich  erfunden  di  weil  er  gast  ist,  sö
ensol  man  in  niht  al  ain  ze  der  samnunge  niht 2  gesellen,  man
sol  im  öch  enverlihen  sagen  daz  er  fürder  var,  daz  von  seiner
jäinercliait  di  andere  iht  geergert  werden.  Wirt  (38 13 )  er  aver
niht  sö  getaner  den  man  verberfen  sule, 3  niht  al  ain  ob  er
sin  bit,  sol  man  in  enphähen,  man  sol  im  öch  raten  daz  er
beleihe,  daz  di  anderen  von  sinem  pilde  gebezzert  werden.
Wan  man  in  allen  stäten  ainem  herren  und  ainem  chunge  dinet.
Siht  öch  der  abt  daz  er  sö  getan  ist,  sö  mag  er  in  etwas
höher 1  seczen.  Und  niht  al  ain  den  munch,  er  mag  öch  von
den  oben  gesriben 5  gräden  der  ewarten  unt  der  phafen  an  ain
höher  stat  seczen 6  dan  er  ce  dem  chloster  chumt,  ob  er  siht

1  vorher  er,  gestrichen  2  fehlt  3  zuerst  muge,  gestrichen  4  horer
5  die  letzten  vier  Worte  (eben)  zweimal
6  die  deutsche  Construction  wegen  des  engen  Anschlusses  an  den  lat.  Text
ganz  vernachlässigt