346
D u d ik.
5. Lectio. Tandem cum orationibus, vigiliis ac ieiuniis sanctus
metudius insisteret, petens sibi divinitus revellari, utrum
vellet moraviam, vel denuo romam deferri, qui manu
d extra ellevata ostendit multis videntibus, quod romam
deberet reportari. Et cum illud reportaretur, pape boc
nunciatur, qui cum clero et populo romano ei occurrit,
et illo recepto ad ecclesiam sancti clementis illud defert,
et honorifice in eodem tumulo, in quo prius iacuerat,
recondit. Post liec veniente sancto metudio ad
suam ecclesiam in welgrad, rex Swatopluk cum gente
sua ei ocurrit et usque ad suam ecclesiam conduxit.
Resp.: Gloriosos principes nostros, cirillum cum metudio,
honore veneremur, qui sub se septem presules habuerunt,
Et Welgradensis ecclesie regni moravie archipresules
fuerunt.
Vers.: Nam et apostoli gentis illius exstiterunt. — Et
welgradensis etc.
6. Lectio. Qui in fide Christi subditos suos informans, ecclesiamque
suam in omni sanctitate gubernans, tandem in
quodam conuinio, facto per regem Swatopluk principibus
plurimis, ducem borzywoy bohemorum, qui sub
mensa regis in detestationem sue perfidie locatus in
convivio fuerat, convertit, predicens ei ore prophetico,
quod si baptizaretur, quod ipse et sui successores principes
et reges, maiores omnibus principibus et regibus
ligwe (sic) slawonice fierent, quod verifice est impletum
usque in hodiernum diem. Cuius verbis dux borzywoy
consentiens, se post refectionem petit babtizari
cum suis omnibus, numero triginta, qui tune ibi secum
aderant, et eis babtizatis et de fide Christi edoctis et
sacerdotibus secum receptis, libris et aliis ornamentum
(sic) ad propria revertitur, et uxorem suam sanctam
Ludmillam cum tota gente bohemorum procurat babtizari.
Qui in fide Christi viventes, post multa tempora
animas Christo reddiderunt et sancta exempla post se
relinquentes suis posteris usque in hodiernum diem ad
laudem et gloriam Deo omnipotenti, cui laus est et
gloria per infinita secula seculorum amen.
