300

Haupt.

abir  wen  is  gedacht  wirt  vnd  willic  wirt  (f.  83 a )  vnd  mit  dem
munde  vnd  mit  dem  herczin  gesprochin  wirt  wedir  got  alleine
adir  wedir  eynen  prelätin  an  gotis  stat:  das  ist  eyn  recht
globde.  das  eyn  man  sin  E  bricht  adir  eyne  vrowe  das  liorit
eynen  bischof  an  czu  absoluiren,  vnd  eyne  iuncvrowe  di  ir
kuscheit  globit  hat  vnd  eyn  mensche  das  dö  dem  andirn  trüwe
globit  hat  vnd  di  brichit,  vnd  di  stvmme  svnde  tvn  vnd  pilgerin ­
  berauben,  vnd  di  in  der  kirchin  stelin  adir  vnkuscheit
dynne  tetin,  das  gehorit  allis  eyn  bischof  an  czu  losin  adir
der  sine  gewalt  hat.  Das  gebet  sal  ouch  vir  dinc  habin.  Das
erste,  Ich  mac  betin  di  dinc  der  ich  nötdorftik  byn.  Dy  das
andir  das  mynem  ebincristin  nucze  ist  czu  der  sele  vnd  ouch
czu  dem  übe.  das  dritte  ist  vmme  ewige  selikeit.  das  virde
ist  vmme  das  aller  luterste,  das  got  geleisten  mac.  vnd  des
inkundin  dy  apostolin  noch  nicht  gebetin,  wen  ir  verstentnis
was  dennoch  vinster,  wen  si  dennoch  nicht  hatten  inpfangin
den  heiligin  geist  noch  den  hoesten.  Dor  ume  sprach  her  dennoch ­
  so  habit  ir  nicht  gebetin  das  ist  nicht  das  luterste,  das
got  selbir  gebrachte.  Nv  betit  vnd  nemt,  das  ewer  vreude
vol  werde  das  irs  bereitit  czu  beschouwene  dy  wärheit  myns
vatir  vnd  czu  bruchene  der  selbin  warheit  der  di  heilige
dryualdikeit  gebrüchit.  dis  ist  vol  vreude  di  ich  euch  czu
spreche,  di  sint  verborgen.  Das  meint  das,  di  wort  vnsirs
herren  Jesu  Christi  di  sint  also  tyf  das  si  nymant  vol  grundin
mac,  wedir  engil  noch  mensche.  abir  di  stunde  kummit,  das
ich  offinbär  sal  kundegin  vnd  czu  sprechin  (f.  83 11 )  von  mynem
vatere.  das  meint:  Ich  spreche  euch  nv  czu  als  eyn  tötlich
mensche,  abir  noch  myner  offirstendunge  sal  ich  euch  czu
sprechin  mit  eyme  glörificzirten  licham  nymmir  me  czu  sterbin.
wen  ich  sag  euch,  das  ich  iczunt  den  vatir  nymmir  bete  vor
euch.  Das  meint:  der  vatir  hat  eweclich  irwelt  vnd  euch
mir  gegebin  myne  iungerin  czu  sin,  wen  der  vatir  selbir  lyp
hat  euch,  wen  ir  mich  lip  gehabt  hat.  das  meint:  das  der  vatir
hat  euch  lip  gehabit  in  ewiger  mynne,  das  ir  myne  iungerin
sullit  sein  vnd  mir  sullit  noch  volgin.  Das  spricht  ouch  Paulus,
her  hat  si  gesant  vnd  besehin  eyntrechtik  czu  werdin  noch
dem  bilde  sins  sons,  wen  der  vatir  der  inhät  nicht  so  lip  den
das  bilde  sins  eynbornen  sonis.  Dor  ume  spricht  her:  der  vatir
hät  euch  lip,  wen  ir  mich  lip  habit  gehät.  Das  insult  ir  also