284

Haupt.

were?  Das  ist,  ab  her  gut  liette  in  der  gemeyne  mit  den  apostolen
  adir  nicht,  vnd  Dor  ume  sult  ir  ylyslichin  merkin,  wen
ich  wil  nicht  me  hy  von  sprechin,  wen  als  ich  beczügen  mac
mit  dem  heyligen  ewangeliö  vnd  mit  cristinlicher  wärheit.  czu
dem  ersten  bewisen  si  das  Christus  eyginschaft  hette  Hy  mete,
das  dy  apostolen  hatten  gemeyne  gut,  also  der  apostolen  buch
spricht,  wer  in  ir  gesellschaft  solde  sin  vnd  verkoufte  allis,
das  her  hatte  vnd  schütte  is  vor  di  fvze  der  apostolen.  Hy
mete  bewisin  si,  das  di  apostolen  (f.  68 d )  gemeyne  gut  hatten.
Di  aldin  glosin  der  heyligin  sprechin,  das  di  apostolen  dis
nicht  hatten  vmme  erin  willen,  sundir  durch  der  willen,  di  dö
neuwe  (!)  wären  in  dem  gloubin  vnd  di  do  crank  wären  in
gütlicher  getrüwunge.  also  spricht  das  buch  der  apostolen:  Si
teiltin  is  eyme  iclichin  dornöch  das  syn  nötdorft  was.  Dy  andere ­
  rede,  do  mete  si  pruuen  Christi  eyginschaft,  di  ist  in
Johannis  ewangeliö:  Di  iungerin  gingen  in  di  stat  czu  keufin
das  man  ese.  Glösa,  das  was  hyr  vmme,  das  den  Jüdin  was
vorbotin,  das  si  keyn  gemeynschaft  soldin  habin  mit  den  Samarien,
  noch  von  en  soldin  nemyn  wedir  spyse  noch  trank.
Dor  ume  musten  si  gelt  tragin,  das  di  Jüdin  icht  an  en  geergerit
  wurdin  vnd  ouch  dy  fürsten  der  pristere.  wen  Christus
sprach:  Ich  bin  nicht  komen  czu  lösin  dy  E,  svndir  das  ich
si  dirfulle.  Den  dritten  syn,  dö  mete  si  bewisin  Christi  eygenschaft,
  den  nemyn  si  vz  dem  ewangeliö:  Christus  sas  in  eyn
schif  vnd  für  obir  in  sine  stat.  Eyn  andir  glose  ewangelium
spricht:  her  quam  yn  sin  geginde  vnd  in  sin  lant.  Glösa,  hy
czu  sprechin  di  heyligin,  das  dise  stete  vnd  dise  lant  wordin
ym  czu  genant  nicht  noch  eyginschaft  svndir  vmme  sine  czeychin
  vnd  vmme  sine  lere,  di  her  dö  tet,  czu  Capharnaum  vnd
czu  Jerusalem  predigete  her,  czu  Betleem  wart  her  geborn,  czu
Galilea  wart  her  geczogin,  czu  Nazareth  wart  her  inpfangin.
(f.  69 a )  von  disen  stucken  heysit  is  sin  lant  vnd  sine  stete
vnd  nicht  von  eyginschaft.  Das  virde,  dö  mete  si  bewysin
Christi  eyginschaft,  das  nemen  [si]  vz  Johannis  ewangeliö.
Her  quam  in  sin  eygin  vnd  di  sinen  inpfangin  sin  nicht.
Glösa,  dis  ist  eygener  gesprochin  von  der  gotheit  wen  von  der
menscheit,  wil  man  is  abir  nemyn  von  der  menscheit,  so
inbynt  is  abir  nicht,  wen  Christus  sprach  selbir:  abir  läse  ich
dy  werlt  vnd  ge  czu  dem  vatir.  wen  her  lis  di  dine  lutirlichir