Zur Geschichte der Wirksamkeit des Basler Concils in Österreich. 589
se pro excommunieatis gerere debeant, et ab ingressu ecclesie,
celebracione divinorum, sacramentorum percepcione et collacione
penitus abstinere.
Super punctis vero illis, que loquuntur de mittendis ad Coneilium
ad obtinendam absolucionem a censuris et excusandum prelatos
a personali eomparicione, et incorporandum se vice omnium prelatorum
et permanendum ibidem etc. videtur dominis deputatis, quod pro
expensis eorundem mittendorum ad interessendum Concilio omnes
prelati simul concorditer contribuere debeant. Et si pro aliquibus
prelatis, quos mittendi predictis sentenciis ligatos repererint, expensas
forte fleri contingat, expense huiusmodi non per omnes, sed eos tantum,
qui absolucionis indigent beneficio, debeant persolvi. Si vero
contribucioni expensarum predictarum aliqui ex prelatis, quod absit,
se opponerent, asserentes forte, quod alias in Sacro Concilio suos
procuratores ad interessendum in eo habeant, discordia huiusmodi ad
oratorum domini pataviensis noticiam deducatur, ut ipsi discordiam
huiusmodi inxta tenorem mandati domini nostri pataviensis super hoc
eisdem traditi ad concordiam reducant et concludant.
Super articulo de mittendis personis ad sacrum Concilium, videtur
dominis deputatis, quod prelati utriusque religionis conveniant et
inter se deliberent de mittendis hac vice, ita tarnen quod quelibet
religio ad minus mittat vnum, pro taxa autem ad expensas dictorum
procuratorum necessaria imponenda, de qualibet religione deputentur
sex prelati, quatuor de Austria et duo de Bavaria, qui bona fide et non
ad extremum videant facultates cuiuslibet monasterii et deinde quodlibet
ipsorum iuxta facultates suas et secundum estimacionem comunem
per dictos sex prelatos faeiendam ad huiusmodi expensas contribuat,
prout neccessarium videbitur.
Iterum predicti sex prelati eligere debebunt tres de qualibet
religione, duos in Austria et vnum in Bavaria qui colligant peccunias
ab omnibus aliis prelatis pro expensis predictis et a nolentibus seu
plus debito differentibus solvere taxain eis impositam predicti tres
habeant auctoritatem a dno epo eandem taxam a nolentibus exigendi,
aut duus noster pataviensis per se taxam huiusmodi exigat cum effectu.
Et quia procuratores mittendi instare debebunt apud sacrum
Concilium, quod remittantur ad patriam et non teneantur remanere in
Basilea usque ad finem Concilii ideo sequuntur raciones, super quibus
fundantur predicte peticiones:
