Analecten zur Geschichte der Reformation und des Humanismus in Schwaben. 165
Con stanz. LVIII. 18. September 1523.
Ambrosius Blaurerus 1 Michaeli Hummelbergio salutem suam.
Accepi literas tuas, ornatissime Michael, quae cum mihi
alioqui non possint non esse gTatissimae, quippe diu multumque
desideratae, tarnen hoc nomine non paulo tum gratiores
tum iucundiores fuere, quod Thomae 2 nostri litei'is comitatae
uenerunt; eas nondum resignaui, quod mater, cui inscriptae
sunt, non sit domi; sed interim tarnen dum illa redeat, tuis me
lubenter ohlecto, in quibus illud uehementer demiror, cur
ipse mireris, quo consilio frater midieres plus satis curiosas,
tibi potius quam mihi commonendas erudiendasque commiserit,
ceu uero tu non longe sis et doctior et ad docendum appositior
quam ego. Mihi crede, non fallitur iudicio frater, nec ignorat,
quot hic me parasangis praecurras, pariter quam reddatur etiam
illis ex quotidiano conuictu diluta mea auctoritas. Ad haec
snbolet illi et aliud quiddam, nempe huius me curiositatis
autorem esse, ac illas me subornasse, ut istiusmodi anxie quaererent,
cum nihil fecerim minus. Quin etiam mater et soror
non sua sed aliorum causa (qui undecunque possunt calumniandi
materiam praecerpunt) diligentius erudiri uoluerunt. Porro quid
responderit, multis paginis certiorem te propediem faciemus.
Gratiam tibi habeo, quod tuam etiam epistolam miseris, eam
remittam, ubi post dies aliquot in tabellionem quempiam incidero.
Uidisti, puto, miracula nonnulla, quae suffraganeus noster,
factitius ille episcopus inuolganda curauit; huic ficto titulo
Philadelphia quidam Rbegius obiter respondit. Nihil praeterea
noui est apud nos, quod quidem scire te magnopere referat.
Vale in Christo Jesu, cui me piis ac sedulis uotis commenda.
Salutant te mater et soror exspectantes, ut iniunctum tibi a
Thoma munus diligenter et grauiter obeas. Plura non possum,
nisi ut tibi persuadeas me tui longe studiosissimum esse, nec
quenquam me perinde suspicere et uenerari atque Hummelbergium
meum. Ex Constantia, XIIII. Calend. Octobr. Anno
MDXXIII.
Aus dem Cod. lat. Monac. 4007.
1 Der bekannte Reformator.
2 A. Blaurer’s Bruder.
