Fünf  unedirte  Ehrenreden  Peter  Suchenwirts.

119

und  geig-  dem  beide  ein  plater  spil.
er  hat  guter  tugent  uil,
wenn  daz  er  sich  ir  luzel  weilt,
10  sein  hercze  sich  nach  ern  sent,
als  nach  der  chazen  tut  die  maus,
hört  wie  er  lebt  in  seinen  haus
wenn  er  ezzen  und  trinkchen  sol,
so  spricht  er:  besleuz  mir  wol
15  daz  tor  vnd  hüt  mir  der  tür,
ist  daz  ymand  cliöm  herfür,
so  sprich:  ich  sei  daheim  nicht,
er  hat  zu  grozzen  eren  phlicht
dauor  in  gott  wol  sicher  wais.
20  sein  lob  nimpt  auf  in  ern  chrais
als  dürrez  salcz  in  wasser  warm,
der  heit  hat  einen  heizzen  dann,
darinn  er  schänden  uil  uerdewt.
sein  lob  so  weiten  ist  czustrewt,
25  daz  ez  der  wint  czu  furet  hat,
daz  ez  sein  alles  irre  gat
und  sein  doch  nindert  uinden  clian.
e  was  ein  chnecht  und  nun  ein  man,
der  leib  ist  im  gewachsen  starkch,
30  dern  ern  chrank,  des  gutes  charkch.
wo  er  den  frawen  dienen  sol,
da  ist  er  milch  und  semel  uol,
daz  er  sich  nicht  berueren  mag.
an  einem  tag  er  sich  uerwag
35  uermeszenleich  czu  einem  streit,
da  säumte  in  ein  hochzeit,
die  was  uor  czehen  iaren  für,
der  heit  sein  tausend  aid  geswür,
er  wer  der  pesten  chainer,
40  der  gar  uerlegen  ainer,
des  frewet  sich  das  hercze  sein,
milich,  schott  und  rubprein
ist  auf  erden  sein  höchster  trost.
sein  hercz  smilzt  auf  der  mynne  rost,
45  als  auf  dem  eys  ein  chalter  stain.