Berichte  über  Handschriften  des  sog.  Schwabenspiegels.

367

Danne  chomen  für  den  richter.
Vnd  der  vorsprech  sprech  also:  waz  sprichet  man  zv
disem  mane?  vnd  hör  dann  di  ansprach,  so  sprech  der  vorsprech: ­
  her  richter,  habt  ir  mich  disem  manne  ze  seinem  vorsprechen ­
  geben,  jch  ding  im  ellev  soinev  recht  auz,  tage,  vnd
sprach,  vnd  ob  ich  in  savm,  daz  er  mein  wandel  hab.
Vnd  savmt  in  ein  vorsprech,  so  haiz  im  ein  andern  geben.
302.
Der  richter  sol  niemen  von  der  gewer  weisen,  man  bechlag
  in  e  der  daz  gut  in  gewer  hat.  vnd  sol  in  für  laden  als
recht  ist.
Rechtlos  leut  svllen  dehain  vormvnd  han,  als  vor  geschriben
  ist.
iEchtsern  vnd  verpannen  leuten  darf  niemen  vor  gericht
antworten,  ob  si  auf  iemen  chlagent.  chlaget  auer  man  auf  seu,
si  muzen  antwurten.  daz  ist  da  von  daz  si  von  allem  christenlichem
  recht  pesvndert  sin, 1  ez  sei  vor  gaistlichem  oder  vor
werltlichem  gericht:  vnder  swelhem  gericht  er  ist,  daz  ist  als
vil  als  ob  er  in  paiden  were,  in  sechte  oder  in  panne.
305.
Frein  vnd  des  reiches  dinstman  vnd  der  fürsten 2  di
mügen  vber  alle  frei  herre  wol  gezeugen  sein  vnd  vrtail  vber
sev  ze  vinden.
Auer  dinstman  di  vor  genanden  di  mügen  dreier  dinge
vber  frei  herren  vnd  grauen  nicht  gezeug  sein,  da  ez  in  an
den  leib  gat,  oder  an  ir  ere,  oder  an  ir  erbe, 3  da  sullen  ir
genozen  vber  sprechen,  an  ir  ere, 4  daz  main  wir  also:  ob  man
.ainem  herren  an  sein  ere  spricht  oder  an  sein  ewerchen  daz
er  posen  gelauben  hab  vnd  daz  man  in  von  seiner  christenhait
  entsait.  diser  dingen  mag  niemen  den  andern  vberzeugen
wan  mit  seinen  genozen.

1  II  recht  sint.  2  In  II  fehlt:  vnd  der  fürsten.
3  In  II  fehlt:  oder  an  ir  erbe.
4  I  und  II  erbe.