288
Rockinger.
thun mochten an eheren gude edder libe, vnd hee en des nicht
obbirzeugen magk.
Das sobende jst, ob der soen ein dip wert, edder ein
ander bossewicht mit szo gethan lebende dor mit eyn iglich
mhan sin recht vorlusset, edder das he wissentlich mit den
wonet die das lebin hain.
Das achtede ist, ab ein soen sinen vatter an sinem gescheffede
behindert hatt. alze ein vatter an sinem tode lidt
vnd gerne siner sele ding schoffe, edder ab he sust kranck
lege vnd des forttet das he sterbe, vnd sclusset der soen die
tlior zu, vnd leaset die prister noch die broder noch anderst
niemant zu yme ghen dor he siner zele dingk mit schaffen
solde dorch siner zele heil, der hatt dor mede sin erbe vorwerket.
das gebudet der keisser Justinianus etc.
Das neunde ist, ab eyn son zu eynem spelman wert
wedder des vatters willen, das he gudt vor ehere nymmet, vnd
ab der vatter ein eheren man gewest ist das hee kein gudt
vor ehere genhomen hatt edder noch huede nicht ennimmet.
Das zende ist, ab ein soen sines vatter borge nicht werden
wil, vnd vsz gefengnisse nicht losszen.
Das zwelffte ist, ab ein [vatter] vnsinnig wert von sichtumb
edder von wellichen dingen das kommet, vnd das en der
soen der vnsinnicheit nicht vorwart.
Das dreytzende ist, ab ein sone sinem vatter sin gut mher
wen halp vorthut mit vnfure.
Das vertzende ist, ab ein tochter vnerlich wert, das sze
man lesset zu sich ghen ohne ores vatter willen die wyle sze
vnder funff vnd zwentzig joren ist. aber kommet sze dor enpoben
die xxv jor, szo vorlusset sze ohre ehere wol, aber ohr
gudt mag sze nicht vorlessen.
Wo ein mhan sinen frunden gudt gibbet vnd schaffet, der
xxiij artikel.
Vnd ist es das ein mhan sinen frunden gudt thun wil
nach sinem tode, wel he en das gewisz machen, szo sal he en
breue dor obbir gebin nach sinem toyde, eyn liantveste, vnd
dor an eynes bischoffes jngesegel, edder eynes lehen forsten,
