Ueber  das  rad.  Arzneibuch  des  Meisters  Bartholomaeus.

543

eynen  troppfen  laet  oder  gewzzet  in  daz  äuge.  Ez  vertreibt  auch  die
scvmme  vnd  die  stekchen  vnd  die  rat!  variben  flekch  vnd  auch  allen
siechtvm  der  äugen.  Ez  vertreibt  auch  dew  milben  vnd  alle  vnsawbrigchayt
  des  hawptes  der  ez  da  mit  pestreychet.  Dem  auch  daz  hawpt  we
tuet  der  salb  ez  vmb  die  stvern  vnd  auch  vmb  den  slaff  da  mit  so  wirt
er  gesvndt.  Swer  hertczslaecht.ig  vnd  daz  hertz  (?)  vnd  dem  dy  nas  verfallen ­
  ist-,  daz  er  nicht  woll  geatmen  mag  der  sehol  ez  staotichleiehen
trinkchen.  Hat  auch  yemant  den  haremstayn  der  schol  des  wazzers
trinkchen  vber  eyn  moneydt.  eyn  halbe  nvzschal  gemischet  mit  anderm
guetem  weyn  so  wirt  er  gännczleicli  vertriben  vn  verstoeret.
Swer  daz  viertaegleich  fieber  liab  der  schol  eynen  tottern  nemen
vnd  schol  in  allso  waychen  legen  in  daz  wazzer  daz  ez  lynne,  daz  vertreybet
  dann  daz  tägleicli  fieber  oder  man  trinkchet  seyn  eyn  (f.  169 c )
halbew  nvzschal  zwier  in  dem  tag  gemischet.  mit  anderm  gueten  weyn.
Ez  pezzer  auch  dew  stymme  vnd  maocht  si  gut  vnd  loeset  die  huesten
der  ez  trinkchet  gemischet  mit  anderm  gueten  weyn.  Ob  yemant  wundt
wirt  der  gyez  seyn  eynen  troppfen  dar  in  vnd  bestreych  dew  wundten
da  mit,  so  laott  ez  chayn  fawlez  ileysch  dar  inne  nicht  wachsen  vnd
haylet  si  auch  gar  schier.  Ob  eyn  siecher  menscli  die  sprach  gelegt  hat
allso  daz  er  nicht  gereden  mag  dem  schol  man  eynen  troppfen  oder
zwen  in  den  mundt  giezzen,  so  chvmpt  er  wider  zu  ym  selber  vn  wirt
reddent.  Daz  wazzer  laet  chaynen  weyn  fawlen,  der  ez  gewzzt  dar  zu
in  eyn  vaz,  so  behallt  ez  in  pey  seyner  sterieli  vnd  macht  in  lawtter  vnd
gut  vnd  auch  gesvndt.  Ob  eyn  weyn  sawr  wirt  vnd  gewzzet  man  denn
des  wazzers  dar  in  zu,  ez  pringt  in  wider  zu  seyner  guet.
Daz  wazzer  hat  auch  die  chrafft  ob  man  fleysch  oder  vissch  dar
in  layt  daz  ez  denn  nicht  fawlen  noch  ersmekchen  mag.  wenn  man  ez
dann  ezzen  wil  so  schol  man  die  sterkch  des  wazzers  da  von  waschen.
Swer  des  wazzers  (f.  169 d )  allew  marigen  nüecht  trinkchet  mit  anderm
guetem  weyn  gemischet  alls  eyn  nvzschal!  volle  den  chan  chayn  siechtvm ­
  pegreyffen  des  tags  denn  der  naturleich  tadt.  Der  des  wazzers
zwenn  troppfen  nuechter  trinkchet  auz  eynem  glas  mit  anderm  gueten
weyn  gemischet,  der  mag  des  selben  tags  nicht  trawrig  werden  vnd
macht  in  albeg  froeleich.  Ez  machet  auch  den  mensohen  chven  vnd
starkch  vnd  geit  ym  auch  guetew  gedaechnuss.  Swelichew  vnperliafft
ist  von  challter  natur  dy  schol  des  wazzers  trinkchen,  daz  ist  ir  gut  vnd
nutcz.  Daz  wazzer  hat  auch  eyn  wunderleichew  natur,  ob  man  eynen
troppfen  oeles  darin  gewzzet  so  vellt  ez  ze  podem  an  der  stat.  Swer
auch  nicht  woll  gehören  mag  vnd  dem  die  aren  !  verfallen  sindt  gewz-