478
Haupt.
ephich fenichil cynmy vil sagan vn swaz haizzer nätür ist, vn sol di
stat innen salben vaste mit rosöl oder mit viöloel, yn sol machen ein
pessarium van mirra yn van diptanne vli van Calamento vn sol daz
stözzen si weiz wol wä, oder mache ein genth (!) van puleio ysopo
origano fenichil Ephich petrosil camandre lörber röten chichern diptanne.
Sint der zwei oder driv der zv des ist gnvc, wand si ellev heiz sint vnd
trinch daz so vhrhet sich daz menstruum. So si tz dem bade get (f. 63 r )
so niezzen disiv getranch vn svln ovch rovch machen niden zv dem libe
van geslahten dingen van wiröeh calament vn cassia vn svln siden
sevenböm oder calament oder pvley oder ysop oder maluam vn wilde
chöle oder lörbovm loup. So machet man ovch ein ander pessarium van
gesotener pesmalt gestözzener mit girstinem melbe. So machet man
einez van stirgallen vn loytter salze vnd ysop, daz ist gvt. in den eiten
so div weip ir reth (!) haben svln. var div vivmf tage oder sehse vn so
gar ze trvchen so svln si gerainigen die .f. mit der benedicte vn nizzen
chleine spise, die gvot si vn hutten sich var bösem trinchen. ez ist
pesmalt gvot der si gesoten nizzet. Der div matrix herte wirt, daz si
den sämen nith (f. 63 T ) enphöhen mach, der sol man die pesmalte gesoten
tf di .f. pinten oder man sol si stözzen vnd giezze ein lovttem
win dar vf vnd trinche daz; daz ist vur harnbinde guot vn pricht den
harnstein vn vertribet di gelsucht.
Kim saluei ruten perchtram abruten ysop Singrven wermuot Atich
wizze papeln pesmalten wizzez velber lovp vn segenbovm daz sevde
allez mit einander vnd wade dich da inne vn tvo daz als diehe dv mäht.
Nach pade salbe dich mit salben, die mache also. Nim lärber ein gvot
teil vn als vil des bovmoel vn guoten ezzich vn sivde dev driv, daz si
dicke werden, da salbe dich mit nach pade so dv die salben heizste vn
lengst mach erliden.
Nim die bvrnde nezzil, div durch den zovn wechset, vn trinche si
mit win (f. 64 r ) gestamphet.
für vergift. Item wider daz vergift. Dem div zunge vervellet daz
er nith mac gesprechen, Gib im ze trinchen erdwide winden vn saluiam
vnd phefer gelich, so wirt er gesunt.
Item. Ditze ist gvt vur daz vergift. Perchtram peonien wurtze
oder daz chrovt saluei pibergeil gotsprie, div dinch sol man weichen in
wine vnd graben in die erde, da inne sten siben tage.
Ein swartzez wörmel gät in dem chorn vn nennet man iz den
Meiwrm, vn ist gvt. ze ertzeni vnd hat gelben saph in im. Daz sol man
nemmen in dem Mein, swaz man ir gewinnen mac, vnd sol sev legen in
