041
sey als aim kristenlichen fürsten zugepurd zu allem dem das sich fuegt zu ere und nutz
des kaiser als seins liebsten vater, so verrer sein dinst genämlich bey im aufgenomen
werden. —
Also habt Ir von Erst und yetz des kunigs antwurdt.
C. b. monac. 1586. p. 434—447.
p.) Schreiben an den Abbt von Tegernsee. 1492.
Erwirdiger inn gott andeebtiger g. lieber herr, mein willig gehorsam dienst mit
allem vleis E. g. alzeytt berait. E. g. schreiben pey euerm wirt vernomen. Das hör
so vor Lantzsperg gelegen ist am samptzstag weg gezogen, wider uher Lech , haben
gehabt pey den ij taussent geraissiger pfertt und pey den xv taussent man ze fuess
woll gerust.
Und der vertrag ist also gemacht das mein g. li. di von Regenspurg irr erbhuldignng
soll wider ledig sagen und Inn irr Verschreibung wider geben, der gleichen sy
meinem g. h. herwider, und sullen nu hinfüran wider frey sein aller mainiklich in mass
sy von alter gwessen sein. Doch ist meinem g. h. aller gerechtigkaytt, so di fürsten
von Baiern da haben vor pehalten , und pey sollichem auffsagen so mein g. h. durch
sein Rätt nämlichen den techant und her Wolfgang Achamer jetz thut zw Regenspurg
soll sein margraff Fridrich von Brannenburg, graff Eyttelfritz von Zollern anstat des
kayssers und künigetc. und darauff soll alle acht gegen mein g. h. den seinen, auch der
von Regenspurg auffgehebt sein, und wass darauff angenomen wer oder Inn verpott Jigt
soll an entgeltnuss ledig gezelt werden.
Den Leblern, wass di auff di acht gehandelt haben, den soll als Irr gut wider
ledig durch meinen g. h. geschaft werden, in mass es jetz ligt und verbanden ist, dergleichen
all gefangen ledig.
Unsser g. h. hertzog Cristoff und Wolfgang, auch der schaden halben so di Lebler
genomen haben, mugen sy meinen g. li. woll furnemen vor dem Rom. künig etc. als
ainem obman und darzw sollen dy vir fürsten jeder ainen setzen, nämlich der pisclioff
von Maintz, pischoff von Trier, margraff Fridrich von Brannenburg, margraf von Paden
ainen aus dem adel des swähischen puntz ainen von stetten des puntz, und wass di also
auff genügsame verhorung erkennen mit dem Rechten da pey soll es peleiben.
Da das di zwen Fürsten und dj Lebler hortten, das der vertrag also gemacht wer,
eswarten sy des und vermainten den nit zehalten, des der Römisch künig etc. und der
schwäbisch punt ain gros musfallen haben. Sagtten In darauff zw, als ver sy den vertrag
nit halten wolten, der dan im pesten durch sy gmach wer, und fürgenomen, das sy
sich hinfüran weder hilf noch peystand zw Inn versechen; das sy das merckten, naraeu
sy Inn ainen pedacht ain monatt. Doch das sy inn der zeit nix hantletten oder ainer
dem andern schaden tätt.
Am Freittag vergangen haben dj Lebler vast all meinem g. h. absag prieff gen
Regenspurg geschickt, und gein abent darauff meinen g. li. angriffen, etlich dorffer plüntertt
umb den Rcnng und vor dem wolt, schickt sein g. gestern di haubtleydt mit ainem
geraissigen zocli hinab gen Straubing, vermaint sy mit gotzhilff der zw erobern, und zw
straffen, got Schicks zwnn pesten.
Der Remisch kunig etc. ist am samptztag als das hör abgezochen ist gen Lantzsperg
geritten, di stat peschautt vermaint der puntt wer noch woll ain zeit darvor
glechen, ee und sys erobert hietten, hat im vast woll geuallen, das also zw gericht
ist gwessen.
Meins g. h. hertzog Jorg halben, hat es den vertrag, das sein g. aller der Jerr
so er mit dem schwäbischen puntt liatt, auch der puntt mit Im , soll sten pey unsserm
herrn dem Rem. kunig etc. -wass der dar innen handel spricht und macht, dapey soll es
peleiben, und soll jetz auff den tag zw Augspurg angesprochen und petating wern
von kunig etc.
Von Österreich hab ich gantz kain wissen wie es ain gestalt niden hat der weingartten
halben. Dan ainer von Lintz hat mir newe mair zwgeschickt, der ich E. g.
biemit ahgcschrift schicke — Damit pephichl ich mich Ewrn g. Mit meinem g. h. hab ich
36*
