442
M u s s a f i a
uilania. Aqel uos die qeu prez plus per un cen. A la domna et es
plus auinen. Ca mi no par que per son ardimen. Dei om auer buna
domna en baillia.
E raembauz lamics dardiz corage. Met per sidonz son cors e
semblaria. Qel mezes lauer qe plus car gage. No pot metre com lauza
chascun dia. Rolan per eis e per lafortimen. Per qel deu meill iazer ab
son cors gen. Lamics ardiz qe cel qe uai fugen. E del uolpill non taing
ges druda sia.
En guionet domnas an un usage. Cab gen parlar et ab bella paria.
Las conquerrom et ab bonrat bernage. E noi ual re orguoillz ni feonia.
Ni anc nuillz hom per ferir mantenen. Si al no fez non.ac nuill
iauzimen. Et eu sai ben per qer uos aconten. Qez ardimenz solez re
non enbria.
En raembauz tant a gran poderage. Lo ardimenz qe ia gran seingnoria.
Non conquerra nuillz hom per uolpilage. Calesandre uos trac
per garentia. Per qe ual mais aill domna et es plus gen. Que am lardit
que cobeitatz dargen. Diria hom qe len daua talen. Sellal maluaz
temoros retenia.
En guionet lamics sec dreit uiage. Cab larguesa qel reis paris
fasia. Ac elena e trais de son estage. Qane noi fez colp de sa spada
forbia. E dels amanz poria comtar cen. Que foron drut per atretal
couen. Per qe domna deu amar drut plazen. Camors no uol com raube
ni ausia.
XV. Guillem de la Tor. .viij. (675.)
Bonauentura mi ueigna. Qen mon cor tan grant ioi ai. Queu no
sai uers on me teigna. Dunt mes uenguz aqest iois no sai. Qamors nuill
ben no matrai. Mas cuit senes doptanza. Qel iois me uen de lai. 0 la
dolza ren estai. En cui ai ma speranza.
Finamors souen menseigna. Que ues ei danar messai. Quant sui
lai faz mentreseigna. E semblam que mamors li desplai. Ensi uen amors
e uai. Ar ai ioi ar ai pesanza. Greu cuit que pro i aurai. Me qen cal si
pro non ai. Quades i ai honranza.
Honor uoill honors mi ueigna. Cab honor pro conquerrai. Bern
sembla qonor reteigna. Semtent en lei qa prez uerai. Entendre lai on
uolrai. Puosc assaz mas qe menanza. Pois qeil samor mestrai. Ensi
puosc amar sim plai. La reina de franga.
